Adelina Ismajli "Artiste e javës" në Tv Ballkanika

nga **Nora** Tue Nov 15, 2011 9:18 am

Televizioni i muzikës ballkanase "Balkanika" shpall këngëtaren shqiptare nga Kosova, Adelina Ismajli " Artiste e javë", për klipin e saj më të ri "I love you more".

Me një mijë vota në epërsi, Adelina ka lënë mbrapa shumë këngëtarë të njohur nga trevat e Ballkanit, përfshirë këtu grupin maqedonas DNK, bullgaren Emanuela, serbin Nenad Ceranic, turkun Sinan Akcil, kroaten Antonija Sola, ndërsa si surprizë interesante në këtë listë të gjatë prej 11 artistësh vërehet një rënie e madhe e votave në adresë të pop yllit nga koha e ish-Jugosllavisë Fahreta Jahiç, apo e njohur me emrin e artit si Lepa Brena, e cila është një yll që mbush sallat nëpër koncerte në qendrat më të mëdha në vendet e ish-Jugosllavisë. Brenën e ka mundur Adelina me 200 vota, si dhe Elena Alexandra Apostoleanu apo super të njohurën, këngëtaren rumune Inna, me 155 vota.