Qengji me gjashtë këmbë

- Në Sulovë të Elbasanit ka ndodhur një ngjarje e pazakontë. Një dele ka pjellë qengja binjakë, njëri prej të cilëve me gjymtyrë dhe organe të dubluara.

Binjaku mashkull ka lindur me gjashtë këmbë, dy prej të cilave të ngjitura, dhe me organe të tjera te dubluara, bën të ditur “Starti”

Pronarët e gjedhëve e lidhin këtë ngjarje me rendimentin e pjellshmërisë së deles. Një nga pjesëtarët e familjes Gorica, i cili merret me mirëmbajtjen e tyre tha se kjo dele shpesh ka lindur binjakë.

Megjithëse një ngjarje e pazakontë, kjo nuk është hera e parë që në trevën e Elbasanit lindin krijesa me probleme. Në vitin 2002 në familjen e Demir Sherlit me banim ne Rrase të qytezes se Belshit, nga veza e pulës lindi një zog me katër këmbë. Studiuesit mendojnë se kjo ka të bëjë me ndotjen e lartë të ajrit që vjen nga Metalurgjiku.