SHBA: Shteti mbyll MegaUpload

nga **D3M1** Fri Jan 20, 2012 11:11 am

Departamenti Amerikan i Drejtësisë të enjten njoftoi se ka kryer
një aksion të madh për të mbyllur faqen e famshme për shkëmbimin e
përmbajtjes ilegale, MegaUpload, e cila kryesisht përdorej për shkarkime
falas të filmave dhe shfaqjeve televizive.Pas konfirmimit
të aktakuzave për komplote dhe shantazhe, nga një juri në Virxhinia,
pohohet se administratorët e faqes kanë bërë shkeljen e të drejtave të
autorit dhe detyrimeve tjera, dhe për këtë autoritetet federale të
enjten arrestuan katër persona si dhe ekzekutuan më shumë se 20
urdhër-arreste në SHBA, dhe tetë të tjera në vendet jashtë saj, duke
gjetur 18 domene dhe rreth 50 milionë dollarë asete, përfshirë serverë
të ndryshëm në Virxhinia dhe Uashington, DC.

MegaUpload është një "depo digjitale" që lejon përdoruesit të ruajnë
të dhëna dhe përmbajtje të ndryshme, të cilat pastaj mund të
transmetohen ose shkarkohen nga të tjerët.