Nora dhe Roberti martohen në shtator

Pas një fejese të tejzgjatur një prej çifteve më të bukur të show biz- it do të shkojnë drejt altarit. Bëhet fjalë për këngëtaren Nora Istrefi dhe të fejuarin e saj Robert Berisha.

Pas një lidhjeje disa vjeçare të zyrtarizuar edhe me fejesë, Nora dhe Roberti do të çojnë një hap më tej lidhjen e tyre, duke e kurorëzuar në martesë. Çifti premton që dasma do të bëhet këtë vit. Me shumë gjasa ceremonia martesore mund të organizohet në muajin shtator.

Jo më kot, dasma është lënë këtë fillim vjeshte dhe jo gjatë muajve të verës. Duke qenë se miqtë më të afërt të çiftët janë kolegë këngëtarë të cilët janë të angazhuar me koncerte gjatë muajve të verës, çifti mendoi se muaji ideal për t’i pasur të gjithë miqtë afër do të ishte shtatori.

“Dasma do të jetë një miks traditash, – ka deklaruar Roberti, – duam një dasmë moderne, por pa hequr dorë nga tradita”, – ka përfunduar ai.