Njësh për Elvanën

Elvana Gjata, e cila ka javë që i është përkushtuar spektaklit
televiziv “Dancing With The Stars” në garën e mbrëmshme nuk ishte edhe
shumë e mirë me vallëzimin e saj. Kjo performancë e Elvanës
me partnerin Gerdi, bëri që kryetari i jurisë, Ilir Shaqiri, t'i japë
asaj minimumin e pikëve, vetëm një pikë. Me vlerësimin e mbrëmshëm ajo
duket se po i largohet fitores, megjithëse cilësohej si favorite e
garës.

Mirëpo Elvana, përveç vallëzimit në pistë, ka një përparësi më të madhe nga garuesit e tjerë - publiku e do atë pa masë.

Edhe vetë këngëtarja ka thënë se beson te publiku dhe mbështetja, pavarësisht paraqitjes së saj në spektaklin e mbrëmshëm.