Vlorë, ekzekutohet emigranti i sapokthyer

Një 42-vjecar, i sapokthyer nga Italia për të kaluar në vend festën e Vitit të Ri, është ekzekutuar me armë zjarri në qytetin e Vlorës.

Lajmin e bëjnë të ditur burime policore lokale, sipas të cilave viktima është shtetasi Haxhi Fejzaj.

Sipas burimeve, ai kishte zbritur nga trageti dhe ishte drejtuar për në Patos, kur rrugës, në afërsi të fshatit Panaja, është qëlluar me dy plumba.

Burimet shtojnë më tej se agjentët e anti-krimit kanë mbërritur në vendin e ngjarjes për të mbledhur provat e mundshme materiale dhe kanë nisur hetimet për zbardhjen e shkaqeve të vrasjes.

Hetimet do të shtrihen mbi viktimën, për të verifikuar nëse ka pasur më parë precedentë kriminalë, apo konflikte.