Kapen me heroinë, i bëjnë zbor policisë në ndjekje

nga **Ditta** Sun Jan 02, 2011 7:17 pm

Një i ri shqiptar dhe shoku i tij italian, kur kanë parë se po
ndiqeshin nga policia, duke dashur t’i shpëtojnë ndonjë arresti të
mundshëm për posedim droge të fortë, i kanë bërë zbor agjentëve policorë
për minuta të tëra.

Ngjarja ka ndodhur në Vicenza por të dyshuarit nuk ia hodhën dot sepse ranë në pranga pak më vonë.

Ata janë Jurgen Bici, emigrant shqiptar 21 vjeçar me qëndrim të
rregullt në Itali dhe Alberto Menti, shtetas italian, rezident në
Valdagno.

Që të dy u kapën në automjetin që drejtohej nga i riu italian, me dy gramë heroinë e gatshme për konsum.

Policia tha se u detyrua të përballet me vështirësi në kapjen e tyre
pasi gjatë ndjekjes dy të dyshuarit refuzuan të ndalojnë dhe me makinën e
tyre kanë bërë dredhi për disa minuta derisa më vonë u dorëzuan.