‘Arrest shtëpie’ për djalin e deputetes Arta Dade

Gjykata e Tiranës dha të shtunën masën me ‘arrest shtëpie’ për Besnik Dabullën, djalin e deputetes së PS-së Arta Dade. Dabulla u përfshi në një konflikt, ku la të plagosur shtetasin Edrin Lufi, 34 vjeç, nipin e kryeministrit të fundit komunist të Shqipërisë Adil Çarçani. Prokuroria e Tiranës kërkoi 20 ditë burg për Basnik Dabullën, ndërsa avokati i këtij të fundit paraqiti një deklaratë ku plagosuri Edrin Lufi, shprehej se kishte marrëdhënie të mira me Besnik Dabullën. Ngjarja ka ndodhur mbrëmjen e 5 janarit rreth orës 23:30 në ambientet e lokalit “Liburn” në rrugicat e ish Bllokut, në pronësi të shtetasit Besnik Dabulla. Sipas policisë në konflikt janë përfshirë shtetasit Besnik Dabulla, Edrin Lufi dhe, të cilët në momentin e ngjarjes ndodheshin duke darkuar ne lokal. Edrin Lufi, 34 vjeç, djali i vajzës së Adil Çarçanit, ish- kryeministri i fundit komunist të Shqipërisë, mbeti i plagosur rëndë me një plagë në bark të marrë nga një armë zjarri.