Krujë, grabiten brenda natës, 30 milionë lekë në dy biznese

Persona ende të pa identifikuar kanë kryer dy grabitje në një servis makinash dhe një dyqan mishi në qytetin e Krujës.
Dy ngjarjet kanë ndodhur gjatë natës së kaluar ndërsa bizneset e dëmtuara ndodhen në afërsi të njëri-tjetrit.
Sipas informacioneve të fundit nga policia, dëmi i shkaktuar nga dy ngjarjet, përllogaritet deri në 30 milionë lekë të vjetra.
Kohët e fundit numri i vjedhjeve apo grabitjeve në biznese dhe banesa
në Krujë ka shënuar rritje të ndjeshme, pasi pak ditë më parë, në
polici u depozituan paditë për gjashtë grabitje banesash.