Përgjaken rrugët, 5 viktima në dy orë

E diela e sotme shenoi serish tragjedi te shtuara rrugore duke shkaktuar
vdekjen e dy personave dhe plagosjen e tre të tjerëve në incidente
rrugore.
Pak më parë u ndalua autori i aksidentit në Lushnje, Qani Sherra i moshës 50 vjeç.
Sipas të dhënëve paraprake që transmetuam më parë, Vangjel Muzaka dhe
bashkëshortja e tij, Rita Muzaka u përplasën nga një automjet teksa
tentonin të kalonin rrugën në unazën e qytetit.
Si rrjedhojë e kësaj
përplasjeje ka qenë 70 vjeç, Vangjel Muzaka, i cili gjeti vdekjen e
menjëhershme ndërkohë që bashkëshortja e tij, Rita Muzaka u plagos.
Bashkëshortja e viktimës është dërguar në spitalin e Fierit dhe ndodhet në gjendje të rëndë shëndetësore.
Ky është aksidenti i dytë që ndodh mbrëmjen e sotme, pas atij në aksin
rrugon Fier-Ballsh, ku mbeti i vdekur një i ri i moshës 23 vjeç, dhe të
plagosur babai dhe motra e tij 10 vjeçare.
E nëse autori i
aksidentit në Lushnje, do të vuajë dënimin, ai i aksidentit në Dukas të
Mallakastrës e dënoi veten me vdekje, duke i shmangur kështu etapat me
drejtësinë, që e vuri vetë në vend.
Drejtuesit e mjeteve gjatë
muajit janar kanë shënuar një numër të lartë aksidentesh, duke përgjakur
kështu që nga autostrada kilometrike e deri në rrugicën më të thellë.