Genta Ismajli vonohet në transmetim live

Jemi mësuar që spektaklet në Kosovë të nisin gjithmonë me vonesë, edhe nëse një i tillë, siç ishte “Miss Univers Kosova”, është live. Por, këtë herë, me këtë vonesë të shëmtuar ishte rehatuar edhe Genta Ismajli, e cila në momentin kur prezantuesi e fton dhe ia nis kënga, ajo nuk është në sallë. E ku ishte Genta? E morëm vesh se ajo priste në fillim t’i telefononte dikush, e më pas të vinte. Edhe pse në sytë e spektatorit nuk ishte gjë e mirë, e aq më pak te teleshikuesit, por ndoshta nuk është faji as i saj, por i organizatorëve, meqë Genta u pa e nevrikosur, e më pas, si duket, nervat për këtë incident i shprehte në anglisht, duke e mbrojtur veten e saj. M. GJ.