Rinas, arrestohet kosovari i kërkuar për trafik droge

nga **Lim-On** Wed Jan 19, 2011 8:34 pm

Një qytetar nga Kosova është arrestuar dje në Aeroportin e Rinasit
pasi rezultonte në listën e personave të kërkuar nga Interpoli në Itali.
Pasditen e djeshme, efektivat e policisë në Aeroportin e Rinasit kanë ndaluar Erjon Rexhën, 32 vjeç, lindur në Prishtinë.
Për Rexhën, Gjykata e Romës, me vendimin Nr. 6540/2006, datë
17.10.2006, e ka dënuar atë për veprat penale të “pjesëmarrjes në
organizatë kriminale”, “trafikimi i narkotikëve (kanabis)” dhe
“falsifikim dokumentesh”.
Për tre veprat penale Rexha është dënuar nga Gjykata e Romës me 10
vite burg. Sipas policisë, ai ka qenë duke u kthyer nga Anglia ku
qëndronte prej disa kohësh.
Gjatë verifikimit në sistemin e Interpolit, nga shërbimet e policisë,
ka rezultuar që ky shtetas ishte i shpallur në kërkim ndërkombëtar.
Ndaj Rexhës është marrë masa e arrestit dhe pritet ekstradimi i tij drejt Italisë.