Vdes fëmija 13 muajsh pasi ra nga shkallët

Njësitë e Hetimeve Rajonale të Ferizajt janë njoftuar për vdekjen aksidentale të fëmijës 13 muajsh ( V.N. nga fshati Sojevë). Dëshmitarët kanë pohuar se derisa e ëma e fëmijës po kryente disa punë në shtëpi, fëmija afrohet afër shkallëve, të cilat ishin pa mbrojtëse dhe bie nga kati i parë në atë përdhes duke pësuar lëndime të rënda. Zëdhënësi i PK-së së rajonit të Ferizajt, Agim Gashi, thotë se edhe pse me shpejtësi është dërguar në Emergjencën e Ferizajt e më pas edhe në QKUK në Prishtinë, si pasojë e lëndimeve të pësuara, rreth orës 13:30 të datës 19.01.2011 fëmija ndërron jetë. Për rastin është njoftuar edhe Prokuroria e Qarkut në Prishtinë.