Aksident, humb jetën 65-vjeçarja

Të enjten, rreth orës 17:40 ka ndodhur një aksident i rëndë trafiku, që ka rezultuar me humbje tragjike të jetës së një personi dhe lëndime trupore të dy të tjerëve. Aksidenti ndodhi në rrugën rajonale Mitrovicë – Skenderaj, në fshatin Klinë të Skenderajt, ndërsa ishin të përfshira dy automjeteve civile: një "Opel Kalibra" dhe një "Opel Astra" të dyja me targa vendore. Aksidenti besohet të ketë qenë shkaktuar në momentin kur automjeti "Opel Kalibra" ishte ndalur në rrugë për shkak të një defekti në automjet, ndërsa në atë moment me lëvizje në korsinë e njëjtë nga prapa vjen automjeti "Opel Astra", i cili godet drejtpërsëdrejti nga prapa automjetin e ndalur në rrugë. Në aksident jetën tragjikisht e ka humbur Fatime Vojvoda (1946), e cila gjendej në automjetin "Opel Astra". Ky aksident me pasoja tragjike shënon rastin e parë të këtij lloji për vitin 2011 në rajonin e Mitrovicës.