"Koktej molotovi" mbi një veturë në veri

Persona të paidentifikuar i kanë vënë zjarrin një veture në rrugën e Kolashinit në pjesën veriore të Mitrovicës, ka njoftuar policia. Zëdhënësi i Policisë së Kosovës për rajonin e Mitrovicës, Besim Hoti, konfirmoi se rasti ka ndodhur mbrëmë afër Fakultetit Ekonomik në Mitrovicë. Nuk janë njoftuar detaje të tjera, përveç njoftimit se persona të paidentifikuar kanë hedhur "koktej molotovi" në një veturë të parkuar, pronë e një serbi të Kosovës, që punon në shërbimin e sigurimit të Fakultetit Ekonomik. Sipas deklaratës së pronarit të automjetit, tash për tash persona të paidentifikuar hodhën "koktej molotovi" në veturën e tij, kurse zjarrin që e përfshiu ia doli vetë ta shuajë, ka sqaruar Hoti.