Vdiq gazetari Nazmi Lukaj

Pas një sëmundje të gjatë dhe të rëndë të hënën mbrëma ka ndërruar jetë në Spitalin Ushtarak të Tiranës, gazetari dhe publicisti nga Peja, Nazmi Lukaj (44).

I ndjeri disa vite të pasluftës ka korresponduar nga Peja për të përditshmen Bota Sot, ndërsa më vonë u bë pjesë e stafit dhe komentator i kësaj gazete.

Pas diplomimit në Fakultetin Filologjik, Dega e Gjuhës dhe e Letërsisë shqipe në Universitetin e Prishtinës, dhe para se të futej shtigjeve të gazetarisë, ai për disa vjet radhazi dha mësim në Gjimnazin e Pejës.

Përveç ushtrimit të këtyre dy profesioneve, Nazmi Lukaj, baba i katër fëmijëve, nuk ka lënë anash as pendën e fjalëve të thurura letrare të fushës së publicistike.

Libri i parë i tij i botuar në vitin 1999 në Tiranë me titullin “Kosova dhimbja dhe shpresa ime”, i hapi rrugën edhe tri botimeve tjera nga ai në periudhën e pasluftës, “Ese, komente dhe analiza”, “A është Kosova një rast unikat?” dhe “Përtej statusit të Kosovës”.

Para se të niset funerali drejtë varrezave të qytetit të Pejës të martën në orën 15.00, me rastin e vdekjes se Nazmi Lukajt, një orë më herët, nga ora 14.00, do të mbahet mbledhje komemorative në Teatrin e qytetit “Istref Begolli”