Eksploziv në makinën e konsullit shqiptar në Selanik

nga **● E.D.W-M ●** Fri Jan 28, 2011 12:02 pm

Makina e konsullit shqiptar në Selanik, Thoma Nini, është hedhur në erë të premten.

Ambasadori shqiptar në Greqi Dashnor Dervishi, i konfirmoi medias në Tiranë, se makina e konsullit shqiptar ishte parkuar pranë banesës së konsullit shqiptar në çastin e shpërthimit.

Nuk ka pasur viktima ndërkohë që nuk ka ende konfirmim për arsyet e vendosjes së lëndës eksplozive në makinën e konsullit shqiptar.

Policia greke ka nisur hetimet për ngjarjen ndërkohë që mendohet se sulmi mund të jetë vepër e anarkistëve grekë.