Dërgohen ftesat për martesën mbretërore

Londër, 21 shkurt – Ftesat për martesën e princit William dhe Kate Middletonit janë dërguar të premten në 1 900 adresa, sa është numri i mysafirëve që do të marrin pjesë në ngjarjen festive të 29 prillit në Londër.
Ftesat janë shumë të thjeshta, dhe në to janë vetëm dy rregulla. E para është se nga të ftuarit kërkohet konfirmimi i ardhjes së tyre, dhe e dyta është respektimi i kodit të veshjes, transmetojnë mediet britanike.
Midis të ftuarve në dasmën mbretërore britanike janë edhe Beckhamët, ndërsa gruaja e presidentit amerikan, Barack Obama, ende shpreson të marrë ftesën për martesën e shekullit, siç e kanë quajtur shumë.