Yllka: Dashuria - kuptimi i jetës

nga **AnG3L-E** Tue Feb 22, 2011 10:02 pm

Yllka Gashi thotë se dashuria për të është vetë “kuptimi i jetës”, ndërsa thotë se jetën nuk do mund ta paramendojë pa burrin e saj Albianin dhe pa familjen e saj.

“Dashuria për mua është kuptimi i jetës. Ndërsa nuk mund ta paramendoj jetën pa burrin tim Albianin dhe familjen time, prindërit, motrat, vëllain, nipat e mbesat e mija”, ka thënë aktorja kosovare në një intervistë për Telegrafi.com.

Nga çfarë ka frikë Yllka? “Unë besoj në një dhe të vetmin Zot, krijuesin e universit dhe njerëzimit dhe si rrjedhojë e këtij besimi, frikësohem e madhështohem nga fuqia e Zotit”.

Sa është Yllka e pasionuar pas shopingut? “Eh, varet nga disponimi. Dukja për një person publik, padyshim është e rëndësishme por nuk është kryesorja. Ka shumë gjëra tjera më madhore që dikë e bëjnë të bukur dhe të parezistueshëm”.

A këshillohet me dikë për pamjen e saj? “Zakonisht, në përditshmëri jo. Në raste speciale të ndonjë paraqitjeje publike, siç janë festivalet që mbahen tek ne, xhirimet festive ose sesionet e fotografimit për ndonjë ballinë të magazinave, zakonisht për grimin tim përkujdeset salloni Sellma ndërsa, për garderobën Krenare Rugova”, ka përfunduar Yllka.