Busta Rhymes më 29 prill në Prishtinë

Reperi me famë botërore Busta Rhymes, do të mbajë koncert në Prishtinë. Organizatorët e këtij koncerti “Next Level’ dhe “Full House”, kanë konfirmuar për Telegrafi.com se me datën 29 prill në sallën 1 Tetori do të jetë një koncert shumë i madh në Prishtinë.

“Me 29 prill në sallën 1 Tetori do të vije reperi me famë botërore Busta Rhymes. Ky koncert mundësohet nga “NextLevel” dhe “Full House”. Çmimet e biletës do të sillen rreth 10 euro”, ka njoftuar Drin Zatriqi njëri nga organizatorët e koncertit.

Përveç kësaj, Zatriqi ka njofruar që në koncert do të jenë të ftuar edhe reperet kosovarë ku do të përformojnë në këtë koncert.

“Në koncert do të ketë edhe shumë paragrupe pothuajse të gjithë nga skena e reperëve kosovarë”, ka pohuar Zatriqi. Paragrupet priten të jenë, Tingulli 3nt, Skillz, Kaos, Lyrical Son, Mc Kresha, ErgeNR, Dast, TDS, Dafina Zeqiri, Tuna, Dj BLUNT & Real 1 dhe Capital T.

Gjithashtu Zatriqi, ka pohuar se ‘after party’ do të mbahet në “Full House”, ku mysafir special do të jetë Dj Mike Steez. Përveç kësaj organizatorët janë në përfundim të negociatave që në ‘after party’ të jetë edhe Busta Rhymes i cili sipas te gjitha gjasave do të përformojë së paku 2 këngë.

Busta Rhymes njihet me super hitet e tij si: Break Ya Neck, Touch it, Gimme Some more, Arab Money, Pass The Courvoisier, Fire it up etj. Gjithashtu, Busta Rhymes ka realizuar edhe 2 hite të reja, atë me Tiesto “C`mon” si dhe "Look at me now" me Lil Wayne dhe Chris Brown./Telegrafi/