Miss Pavarësia: Ishte një ndjenjë e veçantë

Arbnora Sylejmani, e cila u zgjodh “Miss Pavarësia 2011”, në një intervistë për Telegrafi.com thotë se ajo ndihet shumë e lumtur që është kurorëzuar me çmimin e parë.

“Ishte ndjenjë shumë, shumë e mirë, jam ndjerë shumë e veçantë në ato momente. Përveç faktit që Kosova festoi përvjetorin e pavarësisë, unë jam gëzuar dyfish, sepse Kosova festoi dhe unë u kurorëzova me çmimin ‘Miss Pavarësia’”, thotë Arbnora.

16-vjeçarja ka pohuar se me modelizëm merret që nga mosha 13 vjeçare, por kjo është hera e parë që ajo shpallet Miss.

“Me modelizëm merrem qysh nga mosha 13 vjeçare dhe ndihem shumë e lumtur që në hapat e para të karrierës sime unë arrita të bëhem Miss”, ka pohuar ajo.

Mençuria apo bukuria? “Pa dyshim që mençuria është më e rëndësishme se mençuria. Por kur bukuria dhe mençuria bëhen bashkë atëherë rrugët e suksesit janë të hapura”, është shprehur Arbnora.

Modelimi apo shkollimi? “Do vazhdojë të merrem me modelizëm duke mos e lënë në asnjë mënyrë shkollën. Gjithashtu nuk e përjashtoj mundësin që në të ardhmen të merrem me politikë”, ka përfunduar Missi. /Telegrafi/