Lotët e Jennifer Lopezit përpara kamerave

Këngëtarja amerikane Jennifer Lopez humbi kontrollin dhe shpërtheu në të
qara, ndërsa kuptoi se i preferuari i saj në “American Idol” duhet të
largohej nga spektakli.

Portorikania është një nga anëtarët e jurisë së programit, ndërsa
konkurrenti i quajtur Chris Medina u eliminua. Ai ishte i preferuari i
Lopezit, andaj ajo nuk mundi të përmbahej dhe shpërtheu në ngashërime.

Medina fitoi zemrën e Jenniferit dhe publikut me historinë e të
fejuarës së tij Juliana, e cila pësoi dëmtime të parikuperueshme në tru
në një aksident me veturë, pak përpara martesës së tyre në vitin 2009,
transmeton TCH.

E lidhur me një karrige me rrota dhe me pajisje që e mbajnë gjallë,
ajo ka nevojë sot për përkujdesjen 24-orëshe të nënës së saj dhe të
fejuarit të saj Medina.

Megjithatë, ndërsa Chris nuk ishte aq i mirë sa për t’u përfshirë në
listën e 24 më të mirëve amerikanë, Jennifer nuk mundi të përmbante
lotët, duke shtuar se nuk donte më të bënte punën e gjyqtares.

Ajo u ngushëllua nga dy anëtarët e tjerë të jurisë, Steven Tyler dhe Randy Jackson.