FITUESI I SHPIJA E KOSOVES 2...YLL DERVISHI(BUCI)

Ka përfunduar edicioni i dytë i spektaklit “Shpija e Kosovës 2”, ku fitues i këtij edicioni është shpallur Yll Dervishi nga Prishtina, i njohur për shikuesit e spektaklit si Buci. Me këtë rast, Buci ka fituar çmimin kryesor, një banesë në Prishtinë, por jo vetëm, pasi që në këtë spektakël shumë të shikuar, ai ka fituar edhe famë.

Buci në natën finale ishte së bashku me 6 banor tjerë të shtëpisë të cilët u eliminuan gjatë spektaklit ndërsa fare në fund mbeten 2 kandidatë, Valon Havolli dhe Yll Dervishi.

Që të dy, gjatë gjithë kohës janë parë nga publiku si dy kandidatët kryesorë për të fituar garën, ndërsa në fund çmimin e madh e mori Buci.

Buci, përveç banesës dhe famës, nga shtëpia del edhe me të dashur, me të cilën u lidh brenda shtëpisë. Ajo është Ledi nga Shqipëria, gjithashtu banore e “Shpija 2”, që gjithashtu mbërriti deri në finalen e madhe të këtij spektakli.

Megjithë shikueshmërinë e lartë të këtij reality show, kritika më e madhe shkon për drejtuesen e këtij spektakli, Pranvera Behrami, e cila gjatë gjithë spektaklit bëri gafa të mëdha, duke përfshi edhe natën finale.