Britania e Madhe ndalon ndihmat për Kosovën

Britania e Madhe planifikon t’i ndalojë ndihmat të drejtpërdrejta për 15 vende, në mesin e të cilave gjendet edhe Kosova. Këtë e konfirmon BBC duke u thirrur në një dokument të cilin e ka parë.

Ky draft-raport qeveritar për shqyrtimet buxhetore jashtë vendit, dhe i cili pritet të publikohet gjatë kësaj jave, gjithashtu zbulon se ndihma ndaj Indisë do të ngrihet.

Në raport theksohet se vendet në të cilat do të ndalohen ndihmat të drejtpërdrejta janë Iraku, Rusia, Kina si dhe Kosova.

India është një nga vendet që përfiton më së shumti ndihma zhvillimore nga Britania e Madhe. Në Indi, pothuajse gjysmë miliardi njerëz janë tmerrësisht të varfër, dhe përpjekjet për ta ulur shkallën e varfërisë globale nuk do të përparojnë pa ndihmë domethënëse.