Ermela “Ndihem në siklet kur them ‘Të dua’”.

Mirjeta largohet dhe Klodi fillon të bisedojë me Ermelën. Vajzat flasin për lidhjet e tyre jashtë shtëpisë së Big Brother dhe marrëdhënien brenda çiftit. Ermela tregon për veten dhe thotë se nuk shpreh asnjëherë ndjenjat e saj sepse ndihet në siklet. Ajo thotë se një fjalë e thënë në momentin e duhur ka shumë vlerë. Tregon momentin kur i ka thënë “Të dua” ish-të dashurit të saj dhe përshkruan lumturinë e tij kur e ka dëgjuar atë fjalë, të cilën ajo nuk e thotë kurrë.
Më pas afër vajzave shkon edhe Neda dhe Ogreni dhe të katërt fillojnë të diskutojnë për banorët e Big Brother 3. Ogreni thotë se publiku mund të krijojë një ide krejt tjetër për banorët nga sa mund të krijojnë banorët brenda shtëpisë.
Më vonë, Ermela, Klodjana dhe Mirjeta dalin në oborr dhe fillojnë të luajnë lojën me pantonime. Ato qeshin me imitimet e njëra-tjetrës, duke parë lëvizjet, mimikën apo edhe tingujt që nxjerrin. Me to bashkohet dhe Shkëlqimi dhe Ergysi. Të gjithë luajnë lojën me pantonime për shumë minuta.