Dafina: Po punoj në albumin e ri

Pop ylli kosovar, Dafina Zeqiri, nuk e ka ndërmend të ndalet, pasi së fundmi ka konfirmuar se ajo është në përgatitje të albumit të saj të ri.

Lajmin e konfirmoi vet bukuroshja me anë të profilit të saj në rrjetin social Facebook, ku pos që falënderoi fansat, bëri të ditur se po punon në albumin e ri.

“Ju dua! Faleminderit për të gjitha! S’ka fjalë me të cilat mund të përshkruaj se sa shumë ju dua dhe sa shumë gëzohem kur i shoh komentet tuaja. Duffy juaj, fundjavë të këndshme. PS: Jam duke e përgatitur albumin e ri, stay tunned!!!”, shkroi Dafina. /Telegrafi/