Kaçurrela e Justin Bieberit u shit 30 mijë dollarë

Këngëtari i njohur Justin Bieber, i cili sonte e fillon turneun nëpër Britani të Madhe, është duke grumbulluar të holla për shpëtimin e kafshëve, shkruan gazeta londineze Daily Mail.

Një kaçurrele e Justinit është shitur për 30 mijë dollarë në një aksion shitjeje në e-bay. Aksionin e shitjes e ka udhëhequr Ellen Degeneres, së cilës Bieber ia kishte treguar kaçurrelen e tij në emisionin e saj televiziv.

Paratë nga shitja i shkojnë fondacionit “Gentle barn”, organizatë joprofitabile që merret me shpëtimin e kafshëve.

Justin ka arritur në Londër dje pasdreke, para fillimit të turneut të tij britanik që fillon sonte në Birmingham. Kjo është hera e parë që Bieber, i cili e fitoi Çmimin muzikor të Britanisë së Madhe, zhvillon një turne në këtë shtet.

Në rrjetin shoqëror Twiter, Justin ka shkruar: “E dua Britaninë e Madhe dhe më vjen shumë mirë që rikthehem sërish, pas ndarjes së çmimit. I dua të gjitha fansat në Britani”.