Chuck Norris: Më pëlqejnë batutat për mua!

nga **Rreze** Sat Mar 12, 2011 8:51 am

Aktori amerikan, Chuck Norris, i cili të enjten shënoi 71 vjetorin e lindjes, thotë se kënaqet së lexuari batutat e njerëzve me të në internet.
Chuck Norris, i cili është shndërruar edhe në hitin e shqiptarëve në internet, thotë se kënaqet së lexuari batutat me të si subjekt në internet, por pranon se ai nuk është ndonjë supernjeri.

“Përderisa unë kënaqem më shumë se askush tjetër kur i lexoj këto batuta, mendoj se ato shfaqin një karakter të një super njeriu. Ky nuk jam unë”, ka thënë aktori.

Ndërkohë, batutat e fundit për të thonë se Chuck Norris është lindur më 30 shkurt, dhe se ai ka frikë vetëm nga një gjë... pasqyra.

/Telegrafi/