Tatlises në gjendje kritike pas plagosjes

Sulmues të paidentifikuar e kanë plagosur në kokë këngëtarin e famshëm turk, Ibrahim Tatlises, gjatë largimit nga një studio televizive të dielën mbrëma, duke e lënë në gjendje të rëndë shëndetësore- kanë raportuar mediat të hënën.

Këngëtari i mirënjohur, njëherit edhe biznesmen, kishte performuar në shoun e tij, përpara sulmit ndaj tij dhe asistentit të tij në Stambollin qendror.

Sipas mediave, mjekët kanë bërë tre ndërhyrje kirurgjike në këngëtarin, ndërsa ai gjendet në kujdes intensiv.

Policia është në kërkim të sulmuesve, të cilët gjuajtën me kallashnikov gjatë ikjes me automjet. /Telegrafi/