Ermali dhe Blero, në koncert bamirësie

Artistët shqiptarë, megjithëse shpesh marrin shuma te majme për performancat e tyre, ka raste kur ata interpretojnë pa pagese, për qëllime bamirësie.
Një rast i tillë social, i një të riu nga Kosova, i cili lëngon nga një sëmundje e rëndë, do të bashkojë të mërkurën (16 mars) disa këngëtarë dhe DJ të njohur, që do të performojnë në një mini-koncert bamirësie, në një nga klubet e natës në Prishtinë, shkruajnë mediat shqiptare.
Mes emrave të këngëtareve pjesëmarrës, tashmë janë konfirmuar Blero, Ermal Fejzullahu, Hekuran Krasniqi, grupi TDS etj.
Mjetet e mbledhura në këtë mbrëmje do t’i dedikohen shërimit të të riut në nevojë. /Telegrafi/