Kapsula e Soyuz aterron me sukses

nga **D3M1** Thu Mar 17, 2011 10:09 am

Astronauti i NASA-s, Scott Kelly dhe dy astronautë rusë janë ulur në mënyrë të sigurt në Kazakistanin qendror, pas pesë muajsh qëndrimi në Stacionin Ndërkombëtar të Gjithësisë.
Kapsula e “Soyuz”, e cila ka bartur Kellyn dhe inxhinierët Alexander Kaleri dhe Oleg Skripochka, ka aterruar sipas planit të mërkurën në orën lokale 13:53, rreth 50 kilometra nga qyteti verior i Kazakistanit, Arkalik.

Kelly është kthyer në Tokë, ndërsa sipas AP, vëllai i tij binjak Mark (burri i kongresistes amerikane të plagosur, Gabrielle Giffords) është duke u përgatitur që të marrë pjesë në misionin përfundimtar të anijes kozmike Enedavour në muajin prill.

Ekipi i “Soyuz” në Stacionin Ndërkombëtar të Gjithësisë ka lënë astronautin rus Dmitri Kondratyev, italianin Paolo Nespoli dhe amerikanen Catherine Coleman, të cilët do të kthehen në Tokë pas tre muajsh. /Telegrafi/