Aurela kërkon mbështetje nga kosovarët për “Eurosong”

nga **● E.D.W-M ●** Thu Apr 07, 2011 12:10 am

Këngëtarja nga Shqipëria Aurela Gaçe e cila do të marrë pjesë në ‘Eurosong”, ka promovuar edhe në Prishtinë këngën me të cilën do të marr pjesë.

Gaçe është shprehur se në “Eurosong” po shkon me një këngë me motive shqiptare dhe për këtë gjë është më se e lumtur. Gaçe ka treguar detajet për paraqitje skenike duke thënë se do të përcillet nga tre vokalistë, një kitarist, por ka theksuar se nuk do të ketë valltarë.

Gjatë një konference për media Gaçe ka kërkuar votën e kosovarëve duke qenë e bindur se edhe ata do të mund të votojnë. I pranishëm në këtë konferencë ishte edhe zëvendësdrejtori i përgjithshëm i RTSH-së, Martin Leka, i cili u shpreh optimist për një paraqitje dinjitoze të përfaqësueses së Shqipërisë. Aurela Gaçe do të prezantohet në skenën e “Eurosong 2011” me këngën “Feel The Passion”. Festivali do të mbahet muajin e ardhshëm në Dyseldorf të Gjermani.