Aktivistët katolikë kundër këngës së Lady Gagas

Los Angeles, 11 prill - Lady Gaga është vënë në shënjestër të
aktivistëve për të drejtat e katolikëve, me akuzat se ajo po e
shfrytëzon në mënyrë të pahijshme imazhin religjioz. Këngëtarja flet për
Biblën në këngën e re, në të cilën ajo e ka rolin e Maria Magdalenës,
ndërsa aktori Norman Reedus atë të Jezusit. Videoklipi pritet të
promovohet në fund të muajit, por ai tashmë ka hasur në kritikat e
kishave katolike dhe të aktivistëve për të drejtat e njeriut. “Kjo
është shokuese...Lady Gaga tenton t’i shokojë katolikët dhe të
krishterët në përgjithësi. Ajo tashmë e ka shndërruar veten në
karikaturë. Ajo tenton që me anë të idiotizmit për të krishterët të
mbulojë paraqitjet e saj të pa talentuara dhe të mërzitshme”, ka thënë
Bill Donohue, president i organizatës për të drejtat e njeriut.