Pitt dhe Jolie do të martohen?

Dyshja më e famshme e Hollywoodit, Brad Pitt dhe Angelina Jolie, raportohet se do të martohen.
Sipas tabloidit amerikan National Enquirer, dyshja, të cilët kanë gjashtë fëmijë së bashku, planifikojnë të ecin para altarit më vonë gjatë këtij viti.

Publikimi po ashtu thotë se ka një dokument që zbulon se Brad dhe Angie do të martohen në vendlindjen e Pitt, Shawnee, Oklahoma.
“Brad dhe Angie kurrë nuk kanë ndjekur rrugën tradicionale, dhe kjo vlen edhe për qasjen e tyre ndaj martesës. Brad ka kërkuar nga Angie të martohet me të për tashmë dy vite. Ajo përfundimisht është pajtuar, por ka thënë se ajo nuk ka dashur një unazë fejese”, ka thënë burimi i afërt me dyshen.