Adrian Gaxha në shënjestër të hajdutëve

Popullariteti,
jo gjithmonë të ndihmon në jetën e përditshme, në raste të ndryshme e
paguan shumë shtrenjtë famën e fituar. E njëjta gjë ka ndodhur dhe me
këngëtarin shkupjan Adrian Gaxha, i cili njihet për luksin në të cilin
jeton dhe shumë shpesh ka ndodhur që të jetë pre e banditëve lokalë, të
cilët nuk e kanë lënë të qetë nëpër qytet.

Një rast ka
të bëjë me makinat e tij, të cilat gjithmonë kanë qenë në shënjestër të
hajdutëve. Për shkak të xhelozisë ndaj këngëtarit, ata duke mos mundur
t’i bëjnë keq Adrianit, kanë dëmtuar makinat e tij.

Pak kohë më
parë këngëtari ka pasur një makinë tepër luksoze, e cila ka qenë gati e
vetmja në gjithë rajonin e Shkupit. Për arsye se Adriani ka qenë i
njohur, e ka pasur shumë të vështirë të fshihej, dhe gjatë kohës që ka
jetuar në një apartament, çdo mëngjes ka gjetur makinat e tij të
dëmtuara dhe me goma të çara.

Për këto
raste i është dashur shpesh të paguajë shuma të mëdha parash për
rregullimin e tyre, sepse siç dihet, makinat e shtrenjta kanë fatura të
kripura.
Duke mos
pasur mundësi tjetër dhe duke vërejtur që policia nuk po bën asgjë në
këtë drejtim, familja e këngëtarit u detyrua të blejë një tokë në
periferi të qytetit, duke ndërtuar një vilë të madhe në të cilën janë
vendosur gjithë pasuria e luajtshme, si dhe familja Gaxha.