Dafina Rexhepi së shpejti me këngë të reja

Këngëtarja, e cila fitoi famë me hitin “Delicious” në bashkëpunim me reperin Mc Kresha, nuk ka të ndalur. Ajo për Telegrafi.com ka pohuar se së shpejti për publikun do të vijë me këngë të reja.
Dafina Rexhepi ka thënë se nuk mund të jap ndonjë datë të saktë për publikimin e këngëve, sepse ende është duke u përkujdesur për disa detaje të vogla.

“Momentalisht ndodhemi në procedurë të incizimeve dhe kjo nënkupton që këngë të reja do të ketë. Megjithatë nuk mund të shprehem saktë për datën e publikimeve sepse jemi ende në realizim e sipër . Janë edhe disa detaje te vogla me të cilat duhet të kemi kujdes”, është shprehur Dafina.

“Material do të ketë edhe këtë vit sikurse viteve të kaluara. Koncertet vazhdojnë të jenë prezente në çdo anë. Konkretisht nuk mund të flas shumë për projektet tjera muzikore jashtë realizimit të
këngëve për shkak se ato shpeshherë nisin edhe në mënyrë të shpejtë dhe te befasishme e ndonjëherë edhe pa i pritur. Të shohim. Me kalimin e kohës dhe me ndodhitë e reja do t’ju informojmë me kohë.”, ka përfunduar këngëtarja.