Berisha: Flamujtë shkëlqejnë në tërësinë e tyre

Kryeministri Berisha komentoi të enjten situatën elektorale në vend, duke iu kërkuar organeve të rendit të mos tolerojnë asnjë lloj abuzimi.
“Policia e shtetit të marrë të gjitha masat për një qëndrim të rreptë ligjor ndaj çdo shkelësi të ligjit”, tha Berisha, duke iu bërë thirrje komisionerëve që të respektojnë ligjin.

Kryeministri kërkoi gjithashtu respektimin e simboleve përkatëse duke thënë se ato shkëlqejnë në tërësinë e tyre.

“Për sa i përket përplasjes për flamujt unë kam këtë mesazh: Flamujt e spektrit politik janë të pluralizmit dhe ato këto shkëlqejnë vetëm kur rrinë në tërësinë e tyre sepse pa ata Shqipëria nuk do të ishte siç është. Ata janë flamuj të pluralizmit. Secili të votojë për flamurin e tij, por secili duhet ketë parasysh që edhe flamuri tjetër duhet të respektohet”, tha kryeministri.