Busta Rhymes arrin në Prishtinë

Busta Rhymes ka arritur në Prishtinë disa minuta më parë, kanë konfirmuar burime për Telegrafi.com
Reperi me famë botërore ishte planifikuar të performonte në kryeqytet më 29 prill, por më pas anuloi të gjitha koncertet e turneut të tij evropian, përfshirë edhe atë në Prishtinë.

Më pas Busta u paralajmërua se do të performonte në kryeqytetin e Kosovës dje më 25 prill, por edhe ky koncert dështoi me arsyetimin se ylli i muzikës nuk kishte mundur të fluturojë në kohë.

Reperi më pas u paraqit në një video ku u arsyetua për mungesën e tij dhe premtoi se sot do të arrijë në Prishtinë.

Burime të Telegrafit kanë dhënë se Busta ka arritur në Aeroportin Ndërkombëtar të Prishtinës “Adem Jashari” sot rreth orës 14.40.

Koncerti i planifikuar për mbrëmë pritet të zhvillohet sonte po me fillimin në ora 21:00 ndërsa Busta Rhymes pritet të dalë në skenë rreth orës 23:00.