Beyonce ndihmon amerikanët të dobësohen (video)

Për të ndihmuar luftën kundër obezitetit në SHBA, Beyonce Knowles (29) ka nxjerrë në shitje videon prej 4 minutash me stërvitje përkatëse.

Këngëtares i kërkoi ndihmë zonja e parë amerikane, Michelle Obama. Beyonce në video paraqitet me pantallona të shkurtra, çorapë të gjelbra dhe këpucë me taka të larta. Me të stërviten nxënësit, transmetojnë mediet amerikane.

“Duam të tregojmë se cilat janë përparësitë e ushqimit të shëndetshëm e stërvitjeve dhe humbjen e peshës duam ta bëjmë më zbavitëse.

Këtë do të përpiqemi ta bëjmë me këtë video, në të cilën kemi prezantuar disa nga lëvizjet kërcyese”, ka thënë Beyonce, videoja e së cilës me stërvitje do të shfaqet më 3 maj nëpër shkolla në gjithë SHBA-në, për të inkurajuar fëmijët të kërcejnë.