Sekretet e Diellza Kolgecit

Shumë janë kureshtarë të dinë sekretet e Diellza Kolgecit për ta mbajtur trupin në formë. Kanë gabuar ata që mund të kenë krijuar përshtypjen se ajo është një vajzë shumë e kujdesshme në ato çfarë ha, apo të një vajze palestrash.
Diellza Kolgeci, njëra nga miset e Kosovës mund të shquhet për aristokracinë e saj, bukurinë përtej mase, shquhet edhe për inteligjencën dhe modestinë. Ajo ka sfiduar shumë sfilata mode, ka shfaqur talentin e saj prej një femre model për modelizëm, e ka sprovuar veten në aktrim, këndim dhe moderim. Diellza ka një pamje madhështore dhe nuk thuhet kot: të gjitha pasqyrat ku ajo qe parë, e humbën shkëlqimin nga sytë e saj krenarë.
Shumë prej jush janë kureshtarë të dinë sekretet e Diellza Kolgecit për ta mbajtur trupin në formë. Mund të keni krijuar përshtypjen e një vajze shumë të kujdesshme në ato çfarë ha, apo të një vajze palestrash, por përshtypja juaj është e gabuar. Mesa duket, e tillë ka qenë që në vogëli. Po atëherë, cili është çelësi i bukurisë së saj fizike?
Ushqimi
Nuk ka asnjë sekret të jashtëzakonshëm që fshihet pas formës së saj fizike. Nuk kursehet para asgjëje që e josh për të ngrënë. Dhe pamja e saj vazhdon të jetë po e njëjtë.
Në ushqimet e saj më të preferuara bëjnë pjesë perimet, peshku dhe supat e perimeve. Në sallatat e saj nuk mungojnë asnjëherë trangujt, domatet, brokoli. Si një ‘vajzë deti’, i preferon shumë frutat e detit. I pëlqejnë shumë karkalecat e detit dhe kërpudhat, të cilat bëjnë shpesh pjesë në menynë e saj; taliatele me skampi dhe aragosta, por edhe ushqimet tradicionale, të cilat i shijojnë më së shumti nga duart e mamit të saj. Nuk i refuzon asnjëherë gjellët me përplot perime të ndryshme që i gatuan mami e që të gjitha përgatiten vetëm me vaj ulliri.
Diellza është edhe një kuzhiniere e mirë. I gatuan të gjitha ushqimet që i pëlqejnë, por edhe ushqimet e preferuara të partnerit të saj, pastat, të cilit i shijon. Gjithçka e gatuar nga duart e saj. Specialitetet e Diellzës janë të gjitha gatimet që përmbajnë shumë llojllojshmëri të perimeve, supat dhe pastat, të cilave nuk u reziston dot pa i provuar edhe ndërkohë që është duke i gatuar.
Edhe pse shpesh, për shkak të angazhimeve të shumta, i duhet të hajë nëpër restorante, ajo asnjëherë nuk i krahason gatimet e shtëpisë me ato që mund të hajë jashtë. ‘Gjithçka më shijon më shumë në shtëpi, qoftë edhe një vezë e skuqur’, tregon Diellza. Përveçse e dhënë shumë pas gatimit, ajo është edhe e fiksuar pas shtrimit të tavolinës së ngrënies, të cilën e quan art më vete. Me shumë pasion r kombinon mbulesën e tavolinës me pecetat apo i vendos pjatat në tavolinë, duke e dekoruar këtë të fundit me lule dhe gota të veçanta, sepse ,sipas saj, më parë duhet ngopur syri. Në menynë e saj ushqimore dominojnë shumë frutat, për të cilat është e ndërgjegjshme se janë të shëndetshme. Të preferuarat e saj janë ananasi dhe dredhëzat, ndërsa asnjëherë nuk e ha mishin.

Pijet
Uji, qumështi janë të preferuarat, ndërsa gjatë darkës vera e kuqe.

Dieta
Nuk u drejtohet dietave, Diellzën ato e bezdisin. Nuk ndjek ndonjë dietë, e cila të këshillon të hash këtë apo atë e të mos hash diçka tjetër. Jo! Dieta e Diellzës nuk përfshin asnjë lloj ushqimi.
‘Mos bini pre e dietave të rënda, të cilat e dëmtojnë shëndetin dhe e vyshkin freskinë që ju fal mosha. Krijoni siguri për pamjen tuaj të jashtme dhe mundohuni t’i jepni më shumë rëndësi natyrales’, këmbëngul Diellza. Më e mira për një trup të shëndoshë është ushqimi i rregullt, me përplot vitamina e minerale që i duhen trupit gjatë ditës.

Gjimnastika
Diellza përherë ka pasur një trup shumë të mirë dhe, siç tregon vetë, metabolizmin e ka të trashëguar nga e ëma. Diellza është e bindur se aktiviteti fizik është mënyra më e mirë dhe më e shëndetshme për të pasur një trup të rregullt. ‘I dua të gjitha sportet, e preferoj tenisin, notin, skijimin, ndërsa fitnesi më duket i mërzitshëm’.