Pit Bull, këngëtari më i kërkuar i verës

Reperi nga Miami, Pit Bull, është këngëtari më i shitur i kësaj vere. Ai u ka ikur aq larg konkurrentëve saqë këtë verë është i paarritshëm. Albumi i tij “Give me Everything” i përshtatet më së miri edhe gjendjes së tij pasi ai ka marrë gjithçka nga konkurrenca. Në vend të parë në këtë listën e më të shiturve Pit Bull është rikthyer pas shtatë vitesh kur ai kryesonte në Billboard me hitin e tij “Culo”. “Billboard” nuk ka treguar shifrat pasi sipas tyre deri në fund të muajit gusht nuk duhet të bëhen publike. Në vendin e dytë është britanikja Adele me këngën dhe albumin e saj “Rollin in the deep”, e ndjekur nga koleget e saj Katy Perry, Rihanna dhe Lady Gaga. Mirëpo, duket sikur Rihanna nuk është ndarë e kënaqur me këtë pozitë. Sipas një njoftimi për shtyp të menaxhmentit të këngëtares, kjo listë nuk është ende definitive. “Man Down” e Rihannes, sipas tyre, do të jetë kënga më e shitur dhe më e dëgjuar e vitit. “Ajo i ka rrëzuar femrat, tashti e kanë rendin djemtë”, thuhet në njoftimin zyrtar.