Meshkujt dhe femrat "shohin" ndryshe

Reklamat e ndryshme me femra tërheqëse mund të jenë të njohura në mbarë botën, dhe një hulumtim i ri ka zbuluar se si tërhiqen meshkujt dhe femrat nga reklama të tilla.

Një studim ku meshkujt dhe femrat shikonin një reklamë me një femër tërheqëse ka shfaqur një zbulim interesant - me meshkujt që janë në fillim të interesuar për fytyrën tërheqëse të femrës se sa në fizikun e saj të tonifikuar.

Duke përdorur dy reklama me femra tërheqëse, hulumtuesit analizuan se ku sytë e femrave dhe meshkujve vendoseshin në "shikimin e parë".

Disa nga rezultatet nuk ishin aspak të habitshme - si meshkujt ashtu edhe femrat tërhiqeshin nga busti dhe këmbët e modeles përpara se të shihnin markën dhe informacionin e reklamës.

Dhe në një reklame të Reebok, ku një femër tërheqëse qëndron e veshur me një palë atlete, sytë e meshkujve drejtoheshin tek trupi i modeles dhe aspak tek këpucët e saj.

Analistët gjithashtu zbuluan se meshkujt kalojnë 40 për qind më shumë kohë se femrat duke parë fytyrën e modeles. Për meshkujt u zbulua se ata vinin re fytyrën e gruas përpara se t′i kushtonin rëndësi trupit të saj në të dy shembujt.

Në foton e realizuar nga një kompani për një fushatë, një grua seksi që pozon në një plazh, femrat në fillim shikonin bustin e saj dhe pastaj fytyrën.

Në një foto të tretë, ku shfaqej një makinë, analistët gjetën se meshkujt shikonin direkt në specifikimet e makinës, përpara se të shihnin vetë makinën dhe logon në këndin e poshtëm, ndërsa femrat në fillim tërhiqeshin nga makina, pastaj nga specifikimet dhe në fund logoja.