Ben Affleck ngushëllon Jennifer Lopezin

Nuk është risi që pas divorcit, shumëkush kërkon ngushëllim te partneri i vjetër. Me këtë recetë të provuar është shërbyer edhe Jennifer Lopez, ose më mirë të themi nëna e saj, Guadalupe Lopez, e cila i është drejtuar për ndihmë Ben Affleckut, ish të fejuarit të Jenniferit.
Nëna Lopez tre ditë para se Jennifer dhe Marc Anthony të shpallnin divorcin, i ka dërguar Benit një letër elektronike, në të cilën e ka lutur për këshillë.
“Beni i ka pëlqyer gjithnjë dhe ajo i beson atij. Në përgjigje nënën Lopez, ai ka shkruar se Jenniferit i dëshiron të gjitha të mirat dhe i ofron ndihmën e tij”, zbulon një burim në revistën Us Weekly.
Ndoshta aktori 38-vjeçar do të ishte zgjedhje më e mirë për këngëtaren, aktoren dhe dizajnuesen e modës 41-vjeçare, e cila vetëm disa muaj pas ndarjes nga Affleck qe martuar për Anthonyn.
“Kjo ishte një martesë e keqe dhe Jennifer mblodhi kurajën për ta përfunduar. Marc ishte bashkëshort i tmerrshëm”, tha burimi i afërt me çiftin e divorcuar, duke shtuar se Lopez, megjithë imazhin e divës me vetëbesim të madh, në fakt është një grua shumë e pasigurt.
“Jennifer nuk ka vetëbesim, kurse Marcu vetëm i ka kontribuar pasigurisë së saj. Për këtë arsye ajo ka duruar tepër gjatë abuzimet e tij”, deklaroi ky burim.