Betohet qeveria e re e Egjiptit

Ministrat e qeverisë së re egjiptiane janë betuar sot para komandantit të Këshillit Ushtarak, i cili pas përmbysjes së regjimit të Hosni Mubarakut udhëheq vendin, ka njoftuar agjencia shtetërore e lajmeve MENA.
Betimin është dashur, siç është paralajmëruar, ta bëjnë zëvendëskryeministri dhe rreth 14 ministra të rinj, por qeveria akoma nuk ka nxjerrë listën përfundimtare të kabinetit të ri.
Kryeministri egjiptian ka kërkuar nga ministrat e tij të përgatisin aksion planet me “objektivat e para për arritjen e qëllimeve të revolucionit dhe ruajtjen e sukseseve të tij”. /koha/