Norvegjia në zi

Kambanat e kishave janë dëgjuar në Oslo, në fillim të një shërbimi përkujtimor për viktimat e sulmeve të të premtes që lanë të paktën 92 të vrarë. Në mes të pranishmëve në këtë përkujtim ishin edhe kryeministri norvegjez, Jens Stoltenber dhe anëtarë të familjes mbretërore.
"Çdonjëri prej atyre që kemi humbur, është një tragjedi në vetvete. Së bashku, ata janë një tragjedi kombëtare", është shprehur Stoltenberg.

Të paktën 85 persona janë qëlluar për vdekje në një takim rinor të Partisë Laburiste në ishullin Utoya, vetëm pak orë pasi shtatë persona humbën jetën nga shpërthimi i bombës në ndërtesat qeveritare në Oslo.