Një birrë për femrat?

Ndërsa i mirëpret të gjithë ata që i nënshtohen shkëlqimit të saj të artë, birra ende perceptohet si një zgjedhje për meshkujt.

Pavarësisht nëse ky mendim ka baza apo jo, shumë femra e pëlqejnë birrën. Por Molson Coors ka për qëllim të tërheqë më shumë femra duke nisur një linjë të re të birrës specifikisht për femrat.

Sipas një reviste angleze, "Animee" e Molson Coors do të jetë një pije më pak e gaztë dhe me një shije më të lehtë, alternative e birrës konvencionale. Pas dy vite kërkimesh për "marrëdhëniet e femrave me birrën", birraria amerikane do të lëshojë Animee-në, e cila do të jetë në tre versione.

Deri tani, sipas sondazheve të një reviste britanike 36.1 për qind janë në favor për një birrë specifikisht për femra dhe 63.9 janë kundër. Birra "Animee" pritet të dalë në treg këtë verë në Britani.