Vdekja e Amy, prindërit: E prisnim një fund të tillë

Policia britanike ka deklaruar se do të nisë sot ekzaminimin e trupit te këngëtares Amy Winehouse, për te zbuluar shkakun e vdekjes se papritur. Kur kane kaluar dy dite nga ngjarja kur 27-vjeçarja është gjetur e vdekur ne shtëpinë e saj ne Londër, vend i cili sot është mbushur ne nder te saj me lule, karta, foto por edhe paketa cigaresh apo shishe vodka.
Për policinë dhe familjen, zyrtarisht shkaqet e vdekjes janë ende te paqarta, ndonëse ne një deklarate tronditëse e ëma, është shprehur se e priste një fund te tille te se bijës. Familjaret kërkojnë trupin e Amy për t’i bere asaj nderimet e fundit, ashtu siç e meriton një artiste e famshme.
Me pas artistet me te njohur ne mbare boten, do te mbajnë një koncert për ta kujtuar edhe një here miken dhe kolegen e tyre. Ngushëllime dhe keqardhjen për këtë humbje e kane përcjellë emra te njohur si Rihana, Lily Allen, Jessica Alba, Ricky Martin, Ronan Keating, Pete Wentz, LeAnn Rimes, Emma Bunton, Kelly Osbourne, aktoret Rusell Brand, Demi More, Ashton Kutcher etj. Si për ironi te fatit, Amy Winehouse, u nda nga jeta ne moshën 27-vjeçare, ashtu sikurse ka ndodhur edhe me artiste te tjerë te njohur ndryshe si “Klubi famekeq 27”. Ne te bëjnë pjese këngëtari Brian Jons i “Rolling Stones”, Jenis Joplin, Jim Morrison i “The doors”, Kurt Cobain i “Nirvana”, kitaristi Jimy Hendrix, rreperi i famshem Tupac etj.