Lopez rikthehet në krahët e Diddyt?

Burime në internet bëjnë të ditur se Jennifer Lopez është rikthyer në krahët e ish-të dashurit të saj, P. Diddy.
Sipas burimeve të afërta me reperin dyshja kanë komunikuar që nga viti i kaluar kur martesa e J Lo me Marc Anthonyn filloi të lëkundet, pasi kishin qëndruar larg njëri-tjetrit për afro një dekadë, që kur i dhanë fund lidhjes së tyre.

“[Diddy] nuk ka pritur që Jennifer ta telefonojë atë. Ata nuk kanë folur për vite dhe përnjëherë ajo po i telefonon dhe i shkruan mesazhe”, ka thënë burimi i afërt i Diddyt për disa media në internet.

Por Diddy dhe Jennifer jo vetëm që kanë komunikuar me telefon dhe mesazhe, por ata janë takuar edhe fizikisht në dy raste. Dyshja së fundi janë takuar edhe javën e kaluar, kur J-Lo ka fluturuar në New York.

“Diddy erdhi shpejt dhe menjëherë shkoi në një zonë private... pas rreth 20 minutash erdhi J Lo. Isha i tronditur”, ka thënë një dëshmitar okular.