Indiani i vogël lindi me 34 gishta

Indiani Akshat Saxena u regjistrua në librin e rekordeve Guinness, pasi festoi ditëlindjen e parë të jetës. Për fat të keq, djaloshi u regjistrua në librin e rekordeve për shkak të një çrregullimi gjenetik- ai lindi më 34 gishta në duar dhe këmbë.
Djaloshi nga Uttar Pradeshi në Indi është lindur me nga shtatë gishta në duar dhe nga dhjetë në këmbë dhe deri më tash ai iu nënshtrua disa operacioneve.

“Ai është fëmija ynë i parë dhe isha shumë e lumtur, por kur kam parë se sa gishta kishte mbeta e shokuar”, tha nëna e fëmijës Amrita Saxena, shkruan Daily Mail.

Njëri nga miqtë e familjes iu tha se me siguri djali i tyre është fëmija me më së shumti gishta në botë dhe kështu vendosën ta kandidojnë vogëlushin për librin e rekordeve Guinness. Rekordin e mëhershëm e mbante kinezi i cili ishte lindur me 31 gishta.