Ushqimi monoton është si dieta më e mirë

Thonë se llojllojshmëria është mëlmesa e jetës, por hulumtimet e reja tregojnë që e njëjta “mëlmesë” ndihmon në shtimin e peshës.

Me hulumtimet e mëhershme është dëshmuar se zgjedhja e madhe e ushqimit mund të çojë në mbipeshë njësoj sikurse edhe zgjedhja e keqe e ushqimit, ndërsa hulumtimi i ri thekson lidhjen mes monotonisë së shujtave dhe kalorive.

Ngrënia e ushqimit të njëllojtë për çdo ditë mund të çojë në marrjen e më pak kalorive, thonë shkencëtarët.

Femrat të cilat kanë ngrënë makarona me djathë çdo ditë gjatë një jave, kanë konsumuar 100 kalori më pak gjatë ditës, deri në fund të javës pasuese, thonë shkencëtarët nga Universiteti në Buffalo dhe Vermont.

Hulumtimi i cili është publikuar në revistën amerikane të nutricionizmit klinik, tregon se nëse hani ushqim të njëjtë çdo ditë, mërzitja apo monotonia do t’ju detyrojë të hani më pak. Në mënyrë të njëjtë sikurse që narkomanët kanë nevojë më të madhe për sasinë e drogës së caktuar për të arritur efektin e njëjtë, ashtu edhe ekspozimi ndaj shujtës së njëjtë çdo ditë mund të çojë në zvogëlim të reaksionit që njihet si – mësimi me diçka apo adaptimi.

Nuk dihet nëse një mënyrë e tillë e të ushqyerit do të çonte në zvogëlim të marrjes së energjisë së qëndrueshme, sa kohë duhet për t’u mësuar me ushqimin, sikurse edhe sa duhet të jenë të ngjashme ushqimet që të prodhojnë efektin e monotonisë. Ka mbetur të përcaktohet si të aplikohet dhe të balancohet kjo informatë me ushqimet e domosdoshme të cilat do të siguronin ushqyeshmëri të mirë.